რეფლესია

პროექტის რეფლექსია

 ქსელური პროექტის „გამოცანები მშობლიურ  ქალაქზე, სოფელზე, კუთხეზე“,    მიზანია მოსწავლეებს გაუღრმავოს ცოდნა მშობლიური ქალაქის, სოფლის ისტორია-წარმომავლობაზე, რაც ხელს შეუწყობს  მოსწავლეების შემოქმედებითი უნარის განვითარებას.  გაეცნონ  გამოცანის ისეთ სახეებს, როგორიცაა შარადა, ანაგრამა, რებუსი, კროსვორდი, ვიქტორინა... პროექტში მონაწილეობის მიღების უფლება ჰქონდა ყველა მსურველ კერძო და საჯარო სკოლას. ჩვენ უკვე ერთხელ გვქონდა გამოცდილება ქსელურ პროექტში მონაწილეობის, ამიტომ სიხარულით ჩავერთეთ.  პროექტის ხელმძღვანელს   ყველა ეტაპი უკვე გათვლილი ჰქონდა.                                                                                          

ჩემთვის და ჩემი მოსწავლეებისათვის ეს თემა ძალიან საინტერესო იყო. გადავწყვიტე პროექტში ჩამერთო მეშვიდეკლასელი  მოსწავლები. პირველ ეტაპზე წავედით ექსკურსიაზე, დავათვალიერეთ ძველი თბილისი,  მოვინახულეთ მუზეუმები.  შეიქმნა 4 ჯგუფი : ნარიყალა, აბანოთუბანი, ანჩისხატი და ძველი თბილისი. ბავშვებმა გამოიყენეს ინტერნეტი და მოიძიეს ინფორმაციები.გავაცანი პროექტის თემა, მიზნები,  შეფასების რუბრიკები, ჩამოვაყალიბეთ გეგმა და შევთანხმდით მუშაობის ფორმებზე. პროექტზე მუშაობა მიმდინარეობდა გაკვეთილების შემდეგ,ზოგჯერ ხელოვნების გაკვეთილებსაც ვიყენებდით. მეშვიდეკლასელები დახმარებას უწევდნენ პატარებს სხვადასხვა ინფორმაციის მოძიებაში. თვითონ რებუსების სახით დაწერეს პატარა მოთხრობები ძველ თბილისზე და შეადგინეს გამოცანები

  დასახული მიზნების მიღწევა მოხდა მოსწავლეების აქტიურობით და შესაბამისი აქტივობების დახმარებით. მოსწავლეებმა უკეთ გაიცნეს საკუთარი ქალაქი და შეძლეს სხვადასხვა სახის რებუსების და კროსვორდების  შედგენა .

ყველა აქტივობა წარიმართა გეგმის შესაბამისად, ისინი ერთმანეთთან ლოგიკურ კავშირში იყო. დაწყებული ინფორაციის კვლევიდან და დამთავრებული პროექტის დაცვით ყველა აქტივობა ცოდნასა და მის განმტკიცებას ემსახურებოდა. ჩავწერეთ 2 წუთიანი ვიდეო, სადაც მოხდა სკოლის გაცნობა, შევქმენით ბლოგი და ყველა ჩვენს აქტივობებს ვტვირთავდით, მოსწავლეებმა წარადგინეს  საკუთარი თავი.

ბოლოს შევაჯამეთ ჩვენი პროექტის მასალები და მოეწყო პრეზენტაცია, რამაც დიდი მოწონება დაიმსახურა.

მოსწავლეებს განუვითარდათ შემდეგი უნარები: ინფორმაციის კვლევა და დამუშავება, ურთიერთთანამშრომლობა, საკუთარი ნამუშევრების პრეზენტაცია, შემოქმედებითი უნარები.